Kirurgjia vaskulare – Zan Mitrev Clinic

Departamenti i kirurgjisë vaskulare ofron diagnostikim dhe trajtim kirurgjik të sëmundjeve të arterieve dhe venave. Me aplikimin e teknikave moderne kirurgjikale dhe endovaskulare, departamenti mundëson trajtim të sigurt, përmirësim të qarkullimit dhe ruajtje të ekstremiteteve.

Në këtë departament diagnostikohen dhe trajtohen:

Sëmundja arteriale periferike
Sëmundja karotide dhe ngushtimi i arterieve karotide
Aneurizmat e aortës dhe të arterieve periferike
Venat varikoze dhe insuficienca venoze kronike
Tromboza e venave të thella
Tromboza dhe embolitë arteriale dhe venoze 
Këmba diabetike
Plagë kronike dhe ulçera të ekstremiteteve të poshtme
Ishemia kritike e ekstremiteteve

Endarterektomia karotide

Heqje kirurgjikale e pllakave nga arteriet karotide, me qëllim parandalimin e goditjes në tru. Procedura shpesh kryhet me anestezi lokale.

Kirurgjia e arterieve vertebrale dhe karotide

Rikonstruksion i enëve të gjakut në rast stenoze, përdredhje ose aneurizme.

Operacionet e bypass-it arterial

Anashkalim i arterieve të ngushtuara ose të bllokuara në ekstremitetet e poshtme, duke përdorur vena të vetë pacientit ose proteza vaskulare.

Embolektomitë dhe trombendarterektomitë

Heqje kirurgjikale e trombit ose embolit për rikthimin e qarkullimit të gjakut.

Operacione shpëtuese në ishemi kritike

Trajtim i kombinuar për ruajtjen e ekstremitetit tek pacientët me qarkullim shumë të dëmtuar.

Procedura endovaskulare

Angioplastikë dhe stentim i aortës abdominale dhe torakale (EVAR/TEVAR), me përdorim të stenteve të personalizuara sipas anatomisë së pacientit.

Kirurgjia e aneurizmave

Operacione të hapura dhe endovaskulare për aneurizmat e aortës dhe arterieve periferike.

Trajtimi i venave varikoze

Procedura kirurgjikale dhe minimalisht invazive, përfshirë stripping të venës safene dhe ekscizion të varikoziteteve lokale.

Ablacioni me radiofrekuencë i venave (VNUS)

Procedurë minimalisht invazive me anestezi lokale, ku vena safene e madhe mbyllet me energji radiofrekuente dhe venat e zgjeruara trajtohen me flebektomi. Pacienti del nga spitali në të njëjtën ditë, zakonisht pas përafërsisht një ore.

Trajtimi i plagëve kronike dhe këmbës diabetike

Debridim, terapi me ozon dhe kujdes postoperativ me qëllim ruajtjen e ekstremitetit.

Departamenti disponon teknologji moderne dhe pajisje të specializuara që mundësojnë diagnostikim të saktë, kryerje të sigurt të ndërhyrjeve vaskulare dhe monitorim të vazhdueshëm të pacientëve në të gjitha fazat e trajtimit.

Ultrazëri duplex dhe Doppler

metoda jo-invazive për vlerësimin e rrjedhës arteriale dhe venoze, zbulimin e ngushtimeve, trombozave, aneurizmave dhe çrregullimeve të qarkullimit. Mundësojnë vlerësim të shpejtë dhe të saktë të enëve të gjakut dhe janë pjesë e rëndësishme e diagnostikës fillestare dhe kontrolluese.
Pajisje moderne angiografike

mundëson vizualizim të detajuar të enëve të gjakut në kohë reale, gjë që është veçanërisht e rëndësishme gjatë planifikimit dhe kryerjes së procedurave endovaskulare. Kjo teknologji jep një pamje precize të vendit dhe shkallës së dëmtimit vaskular.
Pajisje për ndërhyrje endovaskulare dhe stente të personalizuara

përfshijnë kateterë, guida, balona, stente dhe stent-graft-e për trajtim minimalisht invaziv të ngushtimeve, okluzioneve dhe aneurizmave. Stentet e personalizuara mundësojnë trajtim të përshtatur sipas anatomisë dhe gjendjes klinike të çdo pacienti.
Salla moderne operative me mbështetje vaskulare

e pajisur për kryerjen e operacioneve klasike dhe të kombinuara vaskulare, me kushte për punë të sigurt gjatë procedurave komplekse rindërtuese dhe bypass. Kjo siguron nivel të lartë sigurie dhe koordinim të ekipit gjatë ndërhyrjes.
Kujdes intensiv me monitorim të vazhdueshëm

siguron ndjekje postoperatore të parametrave vitalë, qarkullimit dhe gjendjes së përgjithshme të pacientit, veçanërisht në rastet e rënda dhe komplekse. Mbikëqyrja e vazhdueshme mundëson reagim në kohë dhe rikuperim të sigurt pas ndërhyrjes.