Nefrologji

Nefrologji

Diagnostikim, trajtim dhe ndjekje të sëmundjeve të veshkave dhe sistemit urinar.

Përshkrimi i departamentit

Departamenti i nefrologjisë në Klinikën “Zhan Mitrev” ofron diagnostikim, trajtim dhe ndjekje të sëmundjeve të veshkave dhe sistemit urinar.

Trajtohen pacientë me sëmundje akute dhe kronike të veshkave, pacientë në dializë, si dhe pacientë që përgatiten për transplant të veshkës ose tashmë e kanë kryer.

Qasja është e individualizuar dhe bazohet në bashkëpunim me specialitete të tjera, me qëllim sigurimin e kujdesit të plotë për pacientin.

Sëmundje dhe gjendje

Në departament diagnostikohen dhe trajtohen:

  • Sëmundje akute dhe kronike të veshkave

  • Glomerulonefritet

  • Nefropatia diabetike dhe hipertensive
  • Sëmundjet renovaskulare
  • Sindroma kardiorenale
  • Infeksionet urinare
  • Gurët në veshka dhe në rrugët urinare
  • Sëmundje autoimune të veshkave
  • Sindroma nefrotike
  • Proteinuria dhe hematuria
  • Çrregullime elektrolitike dhe acido-bazike
  • Sëmundje të trashëguara të veshkave
  • Përgatitja për dializë
  • Përgatitja dhe ndjekja pas transplantimit
  • Sëmundje të veshkave gjatë shtatzënisë
  • Vlerësimi i gjëndrave mbiveshkore
  • Vlerësimi i prostatës dhe traktit urinar

  • Sëmundje malinje të veshkave

Diagnostika dhe trajtimet

Departamenti i nefrologjisë përdor metoda moderne diagnostike dhe terapeutike për vlerësim të saktë të funksionit të veshkave, zbulim të hershëm të sëmundjeve dhe ndjekje afatgjatë të pacientëve.

Analiza laboratorike të gjakut dhe urinës

Vlerësim gjithëpërfshirës i funksionit të veshkave përmes matjes së kreatininës, uresë, elektroliteve, proteinave dhe parametrave të tjerë metabolikë. Analiza e urinës mundëson zbulimin e proteinurisë, hematurisë, infeksioneve dhe çrregullimeve të tjera.

Ekzaminime imunologjike dhe serologjike

Analiza të specializuara për diagnostikimin e sëmundjeve autoimune dhe inflamatore të veshkave, përfshirë glomerulonefritet, vaskulitet dhe sëmundjet sistemike që prekin veshkat.

Ultrazë i veshkave dhe traktit urinar

Ekzaminim jo-invaziv për vlerësimin e madhësisë, strukturës dhe pozicionit të veshkave, fshikëzës urinare dhe traktit urinar, si dhe për zbulimin e gurëve, kisteve, obstruksioneve dhe ndryshimeve të tjera.

Vlerësimi i filtrimit glomerular (eGFR)

llogaritja e aftësisë së veshkave për të filtruar gjakun, me qëllim përcaktimin e stadit/gjendjes së sëmundjes dhe ndjekjen e progresionit të saj.

Analiza e urinës 24-orëshe

Matje e detajuar e proteinave, kreatininës, elektroliteve dhe substancave të tjera në urinë gjatë 24 orëve, duke dhënë informacion të rëndësishëm për funksionin e veshkave dhe ashpërsinë e sëmundjes.

Doppler dhe diagnostikë radiologjike

Doppler ultrazëri, CT dhe metoda të tjera imazherike përdoren për vlerësimin e enëve të gjakut të veshkave dhe zbulimin e sëmundjeve renovaskulare, ngushtimeve, trombozave dhe çrregullimeve të qarkullimit.

Biopsia e veshkës

Procedurë diagnostike precize ku merret një mostër e vogël e indit të veshkës për analizë mikroskopike. Është veçanërisht e rëndësishme tek sëmundjet glomerulare, autoimune dhe rastet me diagnozë të paqartë.

Trajtimi është i individualizuar sipas diagnozës dhe mund të përfshijë:

Terapi medikamentoze

Trajtim i përshtatur individualisht për sëmundjet e veshkave, hipertensionin arterial, nefropatinë diabetike, gjendjet autoimune dhe çrregullimet elektrolitike.

Përgatitje për dializë

Vlerësim i gjendjes së pacientit dhe planifikim i aksesit më të përshtatshëm vaskular para fillimit të dializës.

Krijim dhe ndjekje të fistulave arteriovenoze dhe graftëve

Intervenim kirurgjik dhe monitorim i aksesit vaskular te pacientët që kanë nevojë për dializë afatgjatë.

Përgatitje për transplantim të veshkës

Vlerësim i plotë i pacientëve dhe donatorëve, përfshirë analiza laboratorike, radiologjike dhe imunologjike.

Ndjekje post-transplantuese

Kontroll i rregullt i funksionit të veshkës së transplantuar, terapisë imunosupresive dhe zbulim i hershëm i refuzimit ose komplikimeve të mundshme.

Ndjekje të pacientëve kronikë

Monitorim afatgjatë i pacientëve me sëmundje kronike të veshkave për të ngadalësuar progresionin e sëmundjes, parandaluar komplikimet dhe përmirësuar cilësinë e jetës.

Teknologjia dhe pajisjet

Departamenti disponon pajisje moderne mjekësore që mundësojnë diagnostikim të saktë, ndjekje të vazhdueshme dhe trajtim efektiv:

  • Aparate ultrazëri me rezolutë të lartë
    sisteme moderne ultrazëri për vlerësim të detajuar të veshkave, traktit urinar, enëve të gjakut dhe veshkës së transplantuar.
  • Diagnostikë CT
    vizualizim i avancuar për vlerësim të saktë të veshkave, traktit urinar dhe strukturave përreth, veçanërisht në raste komplekse dhe para ndërhyrjeve.
  • Diagnostikë laboratorike moderne
    analiza të shpejta dhe të sakta të gjakut dhe urinës, përfshirë ekzaminime biokimike, imunologjike dhe serologjike të rëndësishme për sëmundjet nefrologjike.
  • Sisteme për monitorimin e funksionit të veshkave
    mjete dhe softuer për ndjekje të vazhdueshme të funksionit renal, parametrave laboratorikë dhe progresionit të sëmundjes kronike.
  • Sistem i integruar elektronik
    ndjekje digjitale e historisë mjekësore, rezultateve laboratorike, imazherisë dhe terapisë, duke mundësuar kujdes të koordinuar dhe të vazhdueshëm për pacientin.

Specialistët

Të gjithë mjekët

Rruga e pacientit

Rruga e pacientit në Departamentin e nefrologjisë zhvillohet në disa hapa të mirëpërcaktuar:

  • Konsultimi
    Ekzaminimi fillestar, anamneza e detajuar dhe vlerësimi i simptomave nga nefrologu.
  • Diagnostikimi
    Kryerja e analizave laboratorike dhe ekzaminimeve shtesë për vlerësimin e funksionit të veshkave.
  • Vendosja e diagnozës dhe plani i trajtimit
    Interpretimi i rezultateve dhe përcaktimi i qasjes individuale.
  • Zbatimi i trajtimit
    Terapi medikamentoze, përgatitje për dializë ose transplantim kur është e nevojshme.
  • Ndjekja
    Kontrolle të rregullta, monitorim afatgjatë dhe parandalim i komplikimeve.
Мими може да ви помогне во закажувањето на Вашиот термин